Plantun de Prouvènço

Pèr coumpara dos planto d'encò nostre

Plantago lanceolata & Aloina ambigua

Erbo-de-cinq-costo

Plantago lanceolata

Plantaginaceae

Àutri noum : Coua-de-gàrri, Co-de-rat, Auriho-d'ase, Auriho-de-lèbre, Lengo-de-cat.

Nom en français : Plantain lancéolé.

Descripcioun :
L'erbo-di-cinq-costo es uno planto di proun couneigudo que porto forço noum en raport emé la formo de si fueio o de soun enflourejado : coua-de-gàrri etc. Se vèi un pau d'en pertout dins li sòu prefouns.

Usanço :
La coua-de-gàrri s'emplego contro "lei picuro d’abéio, de vèspo, meme de cabrian ; prenès lei fueio de plantain, lei fretas bèn, leis escrasas bèn e lei fretas sus la picuro (in J.-L. Domenge, EbV, op.cit.). Tambèn èi tradiciounalamen utilisado contro li mau de gorjo (gargarisme), li blessaduro e macaduro (emplastro) e lou quiéu tapa (emé li grano coume la grano-de-niero, Plantago afra. Se manjo peréu cuecho coume d'espinarc.

Port : Erbo
Taio : 10 à 80 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Plantago
Famiho : Plantaginaceae

Ordre : Lamiales

Coulour de la flour : Verdo
Petalo : 4
Ø (o loungour) enflourejado : 1 à 7 cm
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun
Abriéu à óutobre

Liò : Prado - Relarg à jóuinis aubret - Ermas - Escoumbre e proche dis oustau
Estànci : Termoumediterran à Subaupen
Couroulougi : Éurasiatico
Ref. sc. : Plantago lanceolata L., 1753

Alouessoun-à-double-entèndre

Aloina ambigua

Pottiaceae

Nom en français : Alouine ambigüe.

Descripcioun :
Aquelo mousso coumuno trachis en gazoun dense verd o un pau jauno. Se recounèis à si fueio espesso, en lanço, emé lou bout redoun (cucula). Fai souvènt d'espouroufite bèn que siegue diouïco e alor acò douno uno coulour pu bruno e rouginello au gazoun. Trachis sus li sòu argielous e sablous souvènt proche d'oustau.

Usanço :
Es proche d'àutri meno dóu meme gènre. Se destrìo de Aloina aloides que trachis dins li mémi relarg, pamens se n'en destrìo bonodi la membrano dóu peristome que sort de l'urno (se vèi pas pèr A. aloides), e peréu emé soun bout de fueio redoun (pounchu pèr A. aloides) e sis espouroufite mai dre (clina pèr A. aloides).